يا نور يوم ولدت قامت عزة للأرض إذ أمست لنورك تنتمي … الكوكب اﻷرضي حين وطئته أمسى حصاه يسير فوق الأنجم :’)

اللهم صلي وسلم وبارك على حبيبك وعلى اله وصحبه وسلم :’)

زمان … هم : “كذاب - مجنون - مدعي - شاعر - بيردد كلام واحد يمني” رد الفعل : صمت + عمل + عمل + عمل .. 

النتيجة : أنت الأعلى وهم تحت سيطرتك .. ثم .. هو : “ما تظنون اني فاعل بكم” .. هم “أخ كريم وابن اخ كريم” .. هو : “إذهبوا فأنتم الطلقاء” .. 

الان … هم “كذاب - فاسق - فاجر - لا اخلاق له - يشتهي الأطفال - شهواني” .. رد الفعل : كلام + كلام + كلام + كلام + لا يوجد عمل ..   

النتيجة : هم الأعلى وانت الاقل وتنعق نعيقا بأعلى صوت لك يسجلونه ثم يعرضوه لمواطنيهم تحت شعار “شاهدوا كيف يحتفل المسلمين بيوم 11 سبتمبر بحرق علمنا على ارضهم ومهاجمة سفارتنا .. كل المسلمين إراهبيين مهما حاولوا الإنكار .. يجب مقاومة المسلمين وقمعهم بكل الأشكال لحماية العالم من شرورهم” .. وانت لا زلت تنعق .. 

هذا هو الفرق بين رد الفعل المحمدي في رد الإساءة ورد فعل اتباع محمد الذين لم يتبعوا سنته وفرطوا في دينه ولكن فقط تشدقوا بنصرته .. 

نعم فداك أبي وأمي يا رسول الله .. ولكن بالعمل .. 

لقطة أخيرة : بيقولك امريكا واسرائيل اجتمعوا في غرفة مغلقة وسألوا بعض ازاي نرجع صورة المسلم الارهابي للناس كلها بعد ثورات الربيع العربي ديه وهيبقوا الاسلاميين بيحكموا دول وبيتصرفوا بسياسية ولباقة وبدون همجية طالما صورناها لشعوبنا عنهم .. جاء الرد ابسط مما نتخيل : انتجوا فيلم مسيئ للرسول عليه الصلاة والسلام واحرصوا على التأكيد انه سوف يعرض يوم 11 سبتمبر .. ودعوهم يبدعوا في رد فعلهم .. 

الناس كرهها لفلسطين هو نفس كرها للحق والحقيقة .. ربنا يبارك للدكتور راغب السرجاني لما قال “قضية فلسطين هي قضية كلِّ مسلمٍ فاهم لدينه” .. هو مش بيكره فلسطين .. هو بيكره الحق اللي مع الفلسطينيين .. بيكره فكرة انه لازم بمزاجه او غصب عنه يحارب ويتعب وينصر الحق ولو على رقبته .. مرعوب من فكرة دخول حرب مع اسرائيل لحسن شوية الاشتيكرار بتاعه يروح .. قابل يعيش مذلول محكوم بخاين وعميل وبيبوس الاسرائيليين بس يدوله استيقرار .. يرموله شوية زبالة ياكلها ويقولوله اوعى تأكل اخوك المحتل ده معاك غير لو احنا سمحنالك .. اصل ده وحش نفسه ياخد ارضك .. على اساس ان الفلسطينيين لو فعلا عايزين اي ارض والسلام كانوا قعدوا 64 سنة بيقاموا المحتل علشان يرجعوا ارضهم !! احنا اللي بنحلم نخش فلسطين مش هما اللي بيحلموا يخشوا سيناء يا حضرات !

- عزيزي اللي خايف من الاخوان .. ممكن تجرب تروحلهم تقعد معاهم في مقر الحزب او الجماعة عندك في المنطقة ايا كنت ساكن فين وقولهم خايف منهم من ايه و يا تقنعهم يا يقنعوك ؟؟

- طب مقتنع ان الكلام معاهم مابيجبش نتيجة ممكن تبص لكمية المعارضين لفكر الاخوان السياسي بس دعموا الدكتور مرسي علشان فاهمين يعني ايه خلاف سياسي و يعني ايه حكم بقوة السلاح و اختاروا يسقطوا الدولة العسكرية الفاشية اللي ظالمانا بقالها 60 سنة و يبدأوا خطوة على نهج التصحيح .. ليبراليين و يساريين و علمانيين و اشتراكيين و اسلاميين و ناس غير مأدلجة (حلوة مأدلجة ديه :) ) اسألهم انتوا ليه مش خايفين منهم ؟؟ - طب لا عايز تتكلم ولا عايز تطمئن نفسك ممكن تقعد لحظة تفكر انت بتجيب معلوماتك عم الإخوان منين ؟ اعلام مبارك وقنوات كانت ضد الثورة وفجأة بقت بتنادي الناس تنزل الميدان و جرايد كانت بتعبد مبارك ودلوقتي بتعبد العسكر .. وفي ناس عندهم فوبيا و كره غير طبيعيين للاسلاميين ف دول قد يكون مواقفهم جيدة مضرب للمثل في احيان كثيرة بس في النقطة ديه بيبقوا متحيزيين و غير موضوعيين بالمرة ف ماينفعش تبني عليهم حكم نهائي ..

- طب مش عايز تعمل اي حاجة من دول .. ممكن تبطل تخوف الناس معاك ؟؟ علشان مش حقك تنقل خوفك المرضي الغير مبرر للناس وخاصة ان اغلب الناس ربنا مارزقهمش فرص العلم والتواصل زي حضرتك ف انت مش راضي تعمل اللي عليك و كمان بتخوف ناس معندهاش فرصة تتحاور وتتناقش وتقضي على مخاوفها ديه ؟!

- وعزيزي الاخوان .. ممكن تساعد اللي خايف منك (مش المختلف معاك سياسيا ده مالكش دعوة بيه :)) ) انه مايخافش ؟ ممكن تقعد معاه وتكلمه و توضحله اللي ملتبس عنده بطريقة كويسة ؟ ممكن مانسمعش تاني “موتوا بغيظكم” و “اصلكوا مش فاهمين” و الكلام من النوعية ديه و مانكررش اخطاء الماضي ؟؟ مش فاهيمن فهمنا مش عارفين عرفنا ماتطلبش مننا ثقة غير مبنية على وقائع علشان ده مش هيحصل :))

بغض النظر عن مشاركتنا ف الانتخابات لأنها ضرورة .. سؤال بس ..

تفتكروا طنطاوي -الركن الشديد والرشيد لدولة مبارك واليد القوية التي أمسكت زمام كل خرم في البلد مع العادلي وعمر سليمان واثبت ببراعة قدرته علي حماية نظام مبارك- هيقف يدي تحية عسكرية للدكتور عبد المنعم ابو الفتوح مثلا لو نجح ؟؟

تفتكروا الرويني اللي مضى على قرار وحكم حبس المهندس خيرت الشاطر ظلما وبدون دليل حبس عسكري لمدني هيقف يدي التمام للمهندس خيرت لو جه كرئيس وزراء في حكومة يشكل أغلبيتها ويختار رئيسها الحزب الحاصل على أغلبية مجلس الشعب ؟؟

تفتكروا حمدين صباحي اللي كان بيعتقل كل شهر تقريبا هيبقى ليه سلطة وسلطان على واحد زي سامي عنان ؟؟ 

أنا مش عايز أحبط حد والله .. بس الفكرة إن الانتخابات مش هي الخطوة الأخيرة .. خااااالص .. الانتخابات الخطوة الأخيرة على الورق .. وهتبدأ بعديها الحرب الضروس بيننا وبين نظام مبارك .. لو فاكر انك يوم 30 6 لو العسكر سلموا السلطة هتبقى عايش في الجنة تبقى عايز تضحك على نفسك .. المعركة لسه هتبدأ ولو متضايق أو زهقت أو بتقول “يا ريت الثورة ما كانت أتنيلت حصلت” ف هما كلمتين

“1-ده الواقع ورفضه بسلبية تامة مش هيغير منه حاجة” ..

“2-الاحرار يبكون شهدائهم والعبيد يبكون جلاديهم .. أوعى تقبل على نفسك تترحم على أيام ذلك وسرقتك وهتك عرضك” ..

لن اطول ف البداية ف الموضوع لا يحتاج الى مقدمة .. و لا اخفي عليكم ان سبب كتابة هذا المقال ه زيارة المفتي للأراضي المحتلة  و لكنه ليس سبب تفكيري ف الموضوع اساسا .. واعتذر عن الإطالة :))

بداية مالذي قد يدفع المرء الى التفكير في زيارة القدس .. بل بداية لماذا القدس .. لماذا ذلك المكان الذي لا يفرق عن ذويه في شيء .. لماذا كل هذا الحب و هذا الشغف وهذا العشق لمكان لم نره الا ف الصور “حتى قريبا ” ولم نسمع عنه الا في الحكايات .. هناك اهمية تاريخية و جغرافية للقدس كموقع ومكان قبل ان تكون اهمية دينية نابعة من وجود بيت المقدس والمسجد الأقصى الشريف .. القدس كما يقول الدكتور راغب السرجاني ليست مجرد أرض محتلة ومدينة مغتصبة، وإنما هي جزء من العقيدة الإسلامية .

جغرافيا موقع القدس يقع في وسط فلسطين التي بدورها تقع في وسط العالم العربي .. فإذا اردت ان تحلم بوحدة بين الدول العربية فلا يمكن تصورها بدون ان تشارك القدس فيها .. فخروج دولة جانبية كالمغرب مثلا لن يضر الوحدة قدر ما يضرها عدم دخول دول مثل مصر و سوريا و فلسطين ..

وتاريخيا تعتبر القدس ترمومتر الأمة الاسلامية .. متى كانت محتلة كانت الأمة الإسلامية في ضعف و هوان و مذلة .. و متى كانت حرة أبية كانت الأمة الإسلامية في عزة و كرامة .. فتحت القدس أيام الخليفة  عمر بن الخطاب رضي الله عنه، حيث دخل الخليفة عمر مدينة القدس سنة 636/15هـ (أو 638م على اختلاف في المصادر) بعد أنْ انتصر الجيش الإسلامي بقيادة أبي عبيدة عامر بن الجراح، واشترط البطريرك صفرونيوس أنْ يتسلّم عمر المدينة بنفسه فكتب معهم “العهدة العمرية” وغيّر عمر بن الخطّاب اسم المدينة من إيلياء إلى القدس فيما بعد.

واتخذت المدينة منذ ذلك الحين طابعها الإسلامي، واهتمّ بها الأمويون (661 - 750م) والعباسيون (750 - 878م). وشهدت نهضة علمية في مختلف الميادين.

وشهدت المدينة بعد ذلك عدم استقرارٍ بسبب الصراعات العسكرية التي نشبت بين العباسيين والفاطميين والقرامطة، وخضعت القدس لحكم السلاجقة عام 1071م، أما في العهود الطولوني والإخشيدي والفاطمي أصبحت القدس وفلسطين تابعة لمصر.

وحتى لا اطيل عليكم المهتم بالاستفاضة في المعلومات سوف يجد هنا شرح وافي لأهمية القدس تاريخيا و جغرافيا
http://www.paldf.net/forum/showthread.php?t=378978

…………………………

نعود للموضوع الأساسي .. ما الذي قد يدفع المرء لزيارة القدس .. وفي رأيي هم عدة اسباب تختلف باختلاف المكان والعرق .. فمثلا قد يزور المرء القدس من باب السياحة .. سواء كسياحة تاريخية والتعرف على معالم هذا المكان الرائع أو سياحة دينية للحج ف بيت المقدس وغيره من الأماكن المقدسة التي تقبع في المدينة المقدسة .. وده في الغالب هيتم من ابناء الاتحاد الأوروبي كزيارة لدولتهم الشقيقة عضوة الاتحاد الأوروبي او من غير العرب في العموم .. أما كعرب ف ما الذي قد يدفع العربي لزيارة القدس .. بالتأكيد حلم كل عربي بل وكل مسلم دخول القدس .. والصلاة في المسجد الأقصى .. حلم يزرع بداخلنا ونحن اطفال و يظل يكبر الى ان نموت ونحن نسعى لتحقيقه أو يشاء الله ان يمن علينا و يتحقق في حياتنا .. ولكن كيف الدخول و الباب مغلق ؟؟ كيف الدخول والبيت مغتصب وأهل البيت خارجه ؟؟ كنا قبل الفترة الحالية نؤمن بأن الدخول لن يتم الا بعد التحرير .. الصلاة لن تصح الا وقد اكتست بنسمات الحرية والعزة والكرامة .. ولكن ظهر اتجاه يقول ان هذه يوتوبيا لن تجدي نفعا .. ومن الأحسن ان ندخلها ف الوقت الحالي .. وبالسؤال ولماذا الدخول ظهرت ثلاثة اسباب .. أولها “العمر هيجري بينا من غير ما نروحها ” .. ثانيها “ايه المشكلة اني اروح ادعمهم ماديا باني اشتري بضائعهم و معنويا باني اقولهم احنا معاكوا وارجع تاني” .. ثالثهم واصعبهم في الرد عليه على الإطلاق “ذهابي الى هناك هيحول القضية بالنسبة الي من قصة حالمة الى واقع عيشته وتأثرت بيه بالتالي سوف يزيد ايماني بالقضية اكثر ” .. وهحاول ارد عليهم في ضوء فهمي الشخصي للقضية .. وهتبع نصيحة صديق و مش هاخد كلام من مصريين هاخد كلام من فلسطينيين علشان هما ادرى بالوضع هناك …

بداية منطق “العمر هيخلص من غير ما ازورها” او الكلام اللي على شاكلته زي “مانا اصلي كنت ف الأردن و هما كانوا رايحين ازاي افوت فرصة زي ديه” والكلام هنا على المفتي وباذن الله سوف ننهي موضوع المفتي في هذه النقطة وكفى .. هذا المنطق ينطبق تماما مع منطق “العمر بيجري بيا و عايز احج بس معيش فلوس .. اعمل ايه ؟؟” .. والحل سهل .. روح عمرة من ام تأشيرة ب 5 الاف بس مش 30 الف زي الحج .. واستخبى في السعودية بعد العمرة وماترجعش مع القافلة بتاعتك .. اهرب من السلطات الشهرين تلاتة دول لحد ما ييجي مةسم الحج و حج وربنا يتقبل .. بس انت نسيت حاجة مهمة .. نسيت انت بتحج ليه اصلا ؟!! نسيت المعبود واهتميت بالعبادة .. نسيت “ان الله طيب لا يقبل الا طيب” .. نسيت ان ربنا سبحانه وتعالى قال “لمن استطاع اليه سبيلا” .. يعني ربنا عافاك من التكليف لو انت فقير .. تقوم انت تقوله لا يا رب انا بفهم احسن منك وانا لازم احج حتى لو بالسرقة والنصب مش مشكلة .. المهم اني حجيت .. طب البس يا حبيبي علشان انت مش بتلعب بلاي ستاشن هتعمل باس ورد !! دي عبادة وفي العبادة في عابد و معبود .. ولا يصح ان يصحح العابد للمعبود طريقة العبادة التي امره بها وإلا فقد الهدف الأساسي من العبادة و هو طاعة المعبود وتحول الى مرائي منافق كل همه ان يقال “فلان حج” أو فلان “عمل الإنجاز الفلاني” .. وبس ..
قياسا على هذا المثال نجد ان مضار زيارة فضيلة المفتي للقدس اكثر من فوائدها “ان وجدت” .. فبداية هو قد “سرق” زيارة ممنوعة ان صحت روايته “التي اشكك فيها بشدة” انه لم يأخذ تأشيرة اسرائيلية للزيارة .. او قد طبع رسميا مع الكيان الصهيوني واعترف بوجوده و بشرعيته بحصوله على تأشيرة للزيارة .. واليكم بعض النقاط المبنية على هذا الموضوع :
1- من غير المنطقي ان يكون علي جمعة دخل القدس رغما عن ارادة اسرائيل .. ف الكيان الشهيوني يعلم من هو جيدا و وجود اي عربي غير مسموح بيه في داخل القدس الا بإذن زيارة .. فهل وجوده في وفد اردني شرف ونضال ام قرف وصحبة مطبعين ياخذون مميزات من الكيان الصهيوني دونا عن غيرهم وبالتأكيد هناك مقابل ..

2- قيام مفتي الجمهورية بهذه الفعلة سوف يحمس الكثير والكثير من الشباب للسير على دربه .. وحينها لن يستطيعون الدخول في وفد اردني كما فعل المفتي .. بل سيلجأون للطريقة الوحيدة للدخول .. وهو الحصول على تأشيرة الكيان الصهيوني على جواز السفر الخاص بهم .. والموضوع سهل ومعروف بالنسبة لمن يعملون ف الخارجية او اكثر المخابرات .. يعني هيبقى تطبيع علني من اعداد كبيرة من الشباب المصري اللي وقف هتف عند السفارة الإسرائيلية دلوقتي هيجري ينول رضاها !!

3- فتنة اخواتنا المسيحيين .. فقد امرهم البابا شنودة بعدم الحج حتى تتحرر القدس من احتلال الكيان الصهيوني .. ومن خالف منهم تلك التعليمات بعد وفاته رفض تصرفه من اعضاء المجتمع المصري باختلاف دياناتهم ..

4- من اكثر ما يقتل اي قوة عظمى هو ان يرفض المستضعف الإعتراف بها كقوة .. فما بالك كدولة .. هتافنا عند السفارة الإسرائيلية “هنرددها جيل ورا جيل لن نعترف بإسرائيل” ليس مجرد هتاف أو “طق حنك” كما قال البعض .. بل هو رفض الضعيف المضروب ان يعترف بشرعية القوي المغتصب .. نعم نحن ضعفاء ولا نملك الا هتافنا وعقيدتنا ولن تصلوا اليها مهما حدث .. او هكذا ظننا او هكذا كنا !!

5- حاول نظام مبارك بشتى الطريق وشتى الاتفاقات ان يطبع مع اسرائيل رغما عن ارادة الشعب .. ورحل مبارك و بقى نظامه و نجح في وضع اللبنة الأولى على طريق التطبيع الذي بلا عودة .. وانتظروا تأثير كرة الثلج !!

6- كان من الأولى زيارة غزة الصامدة المحاصرة بدلا من دخول اسرائيل تحت أي مسمى او ظرف !

3 ملاحظات سريعة :
 أ – ده كلام الصفحات الأسرائيلية : تل أبيب تكشف تفاصيل زيارة جمعة للقدس : الزيارة كانت تحت حراسة الجيش الإسرائيلى .. ووزارة الدفاع أشرفت على تأمينه خوفا من هجمات “شهداء الاقصى”.. وإذاعة الجيش: الختم الإسرائيلى على الجواز شرط دخول القدس

 ب – ده كلام الإذاعة الإسرائيلية : الإذاعة العبرية: شعور عارم بالرضا يسود الحكومة الإسرائيلية إثر زيارة مفتي مصر للأقصى، ونتنياهو يشكر الأردن على دوره في تنظيم الزيارة

 ج – ده كلام امين لجنة امناء الأقصى :

إننا في الحملة الشعبية لمقاومة تهويد القدس ندين زيارة القدس تحت الحماية والرعاية الصهيونية من مفتي الديار المصرية المعين من الرئيس المخلوع حسني باراك، ونعتبر أنه بداية غير موفقة بعد التجديد له استثناء من المجلس العسكري، ونرى أن القدس وفلسطين أرض عربية إسلامية ستتحرر قريبا بالمقاومة لا المفاوضات ولا الزيارات التي ينادي بها عباس والهباش وعلي جمعة، والحمد لله أن دعاة الأمة الربانيين على قلب رجل واحد في أن الطريق إلى فلسطين من بوابة الجهاد المقدس، كما يرى مفتي القدس وعلماؤه ومن ورائهم علماء الأمة والدعاة المخلصين .

ملحوظة اخيرة : ردا على “الفلسطينيين سعداء بالزيارة” .. الزيارة كانت ف اليوم التالي لذكرى استشهاد البطل عبد العزيز الرنتيسي .. اي عقل واي قلب يصدق انهم سعداء بخيانة دماء شهدائهم بتلك الفجاعة !!

……………………………………….

النقطة الثانية : فيها ايه لما ازورهم و اشتري منهم و ادعمهم اقتصاديا و معنويا وارجع .. زالرد على هذه النقطة يوجد تقريبا كله في النقطة الاولى عن كيفية الدخول للقدس .. اما النقطة الثانية في حد ذاتها ف اعذروني ف الكلمة يعني “هو انت رايح خان الخليلي” !! انت رايح بلد محتلة .. بلد توقفت فيها الحياة اساسا ف ما بالك بالصناعات المحلية .. بلد اذا اردت السكن في بنسيون فلسطيني و شراء مأكولات فلسيطينة سوف تدفع لهم بالشيكل .. العملة الرسمية للكيان الصهيوني .. لن تتعامل بالجنيه الفلسطيني المندثر (نعم اسمه جنيه فمصر هي الأم الشرعية التي تبنت فلسطين و حمتها وبعد ذلك خانتها وباعتها وبإذن الله سوف تنصرها) .. سوف تضطر ف الغالب لشراء سلعة او اثنين ماركة  ”صنع في اسرائيل”  لكي تكمل عيشك و زيارتك .. سوف تجد مستشفيات بلا كهرباء و اسعاف بلا طرق يسير عليها و مدارس بلا فصول و بيوت بلا سقوف وانت تبحث عن سلع صنعت محليا في فلسطين .. اين ومتى يمكنهم صناعتها ؟!!
اذا اردت ان تدعمهم اقتصاديا حقا فما عليك  سوى اتباع ما قاله رئيس المكتب السياسي لحركة المقاومة الإسلامية حماس :

يمكن إرسال الدعم للشعب الفلسطيني عبر طريقين :

الطريق الأول هو إعطاء المساعدات إلى الشعب بشكل مباشر عبر القنوات الخيرية وعبر لجان الزكاة والمؤسسات الخيرية ، وهذه يمكن أن تصل إليها عبر المؤسسات الخيرية في الخارج

- أمثلة

- مثلا : هيئة الإغاثة الإسلامية توصل إلى الشعب في الداخل .

- لجنة المناصرة في الكويت .

فهذه مؤسسات تشتغل في الضوء ، تشتغل بشكل واضح ، وتوصل المال للجان الزكاة والهيئات الخيرية في الداخل ، وبالتالي يصل إلى الناس ، ليس إلى السلطة ولا إلى الفصائل الفلسطينية .

القناة الثانية : أن المتبرعين يعطون الفصائل التي تجاهد على أرض فلسطين كحركة حماس ، نحن لنا حق عند المسلمين ، وبالتالي نحن نرحب بكل تبرع لأننا نتحمل مسئولية كبيرة ببرنامجنا الجهادي ، هناك المجاهدون لهم تبعات ، أسر الشهداء ، أسر المعتقلين ، نحن ننفق على حوالي ألفي أسرة من أسر الشهداء والمعتقلين ، فبالتالي هذه مسئولية كبيرة ونريد من الأمة أن تقف إلى جانبنا لتعين مجاهدينا وتعين أسر الشهداء والمعتقلين ،وتعين الحركة عل الصمود في وجه شارون والطغمة الصهيونية .

فإذا ، المتبرعون المسلمون لديهم خيار إما أن يعطوا للشعب مباشرة عن طريق القنوات الخيرية ، وهذا أمر طيب ومطلوب لدعم صمود الشعب الفلسطيني ، وحماس تساعد في ذلك إلى حد بعيد ، والخيار الثاني دعم الحركات المجاهدة وخاصة حركة حماس .

هذه سبل دعم الشعب الفلسطيني ماديا واقتصاديا من فم الفلسطينيين انفسهم .. فلا نفترض فيهم عدم الفهم لوضعهم الذي يعيشون فيه …

……………………………………

الهدف الثالث والذي سبق ان قلت انه الأصعب في الرد عليه .. هو “ان اشعر بما يشعرون وانقل الموضوع من ايمان بالقضية الى معايشة شخصية للقضية تزيد لهيبي واصراري على الدفاع عنها” .. ولولا توفيق المولى عز و جل لما وجدت اجابة اراها اكثر من مقنعة وتؤدي الى معايشة الموقف دون تطبيع علني “حيث يستوجب الزيارة الحصول على تأشيرة وموافقة الكيان الصهيوني” – سبق شرحه .. والاجابة في فكرة تم تنفيذها بالفعل في الجامعة الأمريكية بعد الإعتداء على غزة و حرب غزة 2008 .. حيث قام احد الأنشطة الطلابية بعمل “فيديو كونفيرنس” مع طلبة من جامعة غزة .. تعرفوا فيه عليهم شخصيا و استمعوا الى قصصهم الواقعية واحلامهم التي قتلها العدوان و امالهم التي دمرها الحصار .. فمن مهندس كان يحلم بالحصول على ماجيستير و دكتوراة لرفع اسم فلسطين عاليا واثبات ان الحصار فاشل و لن يقوى على دحض ارادة الفلسطينيين .. اصبح حلمه ان يستيقظ فيجد امه و اخواته لازالوا احياء ومنزله لم يتهدم .. ومن طالبة كانت سوف تتزوج الأسبوع اللاحق للقصف ولكن احلامها تبددت ومنزلها انهار واصبح المأوى هو الحلم .. فقد عايش هؤلاء الطلبة اقرانهم من جامعة غزة .. شعروا بمأساتهم ومعاناتهم دون ان يخونوهم بالتطبيع والزيارة بمباركة المغتصب المحتل .. (الفضل في معرفتي هذه القصة لله سبحانه وتعالى ثم للمهندسة الفاضلة سارة رفعت جزاها الله عنا كل الخير)

وفي نقطة بالنسبة للخيانة .. هقولكم ليه بعتبرها خيانة انك تخش القدس وانت عارف ان اهلها الأصليين مستحيل يخشوها مهما عملوا الا اللي فوق 65 سنة .. لو واحد جيه طردك من بيتك انت و اخوك واختك و ساب مامتك عايشة جوه .. وقالك لو قربت من البيت هقتلك و ادفنك ف مكانك .. وانا راجل واصل و اقدر اخش البيت ده من غير مايئذيني .. بس طبعا هيوافق عليا علشان اخش من الباب .. م انا مش هطلع عالمواسير (أو انزل ف الأنفاق) علشان تبقى زيارتي شرعية مش خيانة … لو دخلت و قولتلك انا هخش اطمئنلك على مامتك و ابلغها اننا بندعمها .. ساعة ولا اتنين واسيبها وامشي .. انت و هي هتحسوا ناحيتي ب ايه ؟؟ حب و شكرانية ولا خيانة وطعن ف الظهر ..

المشهد يماثل تماما ان تشاهد امامك سيدة تغتصب ف الواحدة ليلا ف زقاق ضيق .. هي الان امامك ملقاه على الأرض وفوقها فحل ضخم الجثة لا تستطيع صرعه مفردا مهما كانت عزيمتك .. فيصبح امامك احد 3 ردود فعل .. اما ات تقول “وانا مالي هي تستاهل هي ايه اللي مشاها هنا” (بلغة اخرى هما اللي باعوا ارضهم و يستاهلوا اللي بيحصلهم” .. او ان تصرخ بعلو صوتك وتحاول الاستنجاد بالشرطة والجيش والأمن و تقوي نفسك حتى تستطيع صرع هذا المغتصب .. أو ان تذهب لتواسيها وتربت على كتفيها و في نفس الوقت تقول للمغتصب “ماتخافش مني انا مش جاي اءذيك ” وان لم تقلها بلسانك فموقفك يقولها ولا لم يكن ليسمح لك بالاقتراب …. وانا ارى انه لا يصح اي رد فعل سوى الثاني الى ان يأذن الله ويصبح هناك رد فعل رابع و هو الاسراع لانقاذها من براثن المغتصب .. يا رب !!!

ملحوظة : هناك استثناء وهم شباب مستعدون الدخول والقيام بالمقاومة من الداخل وليس فقط الدخول والخروج .. وانا اعلم احدهم .. ولكن هؤلاء هم الاستثناء وليس القاعدة العامة لمن يوافق على الزيارة .. وبالتأكيد ليس من ضمنهم المفتي ..  

 ……………………………..
  اختتم بمقولتان :
 
مقولة للشيخ الشهيد المجاهد الرمز أحمد ياسين ” قبل استشهاده بأيام قليلة إنه خرج من النكبة ” :
… لقد نزعت الجيوش العربية التي جاءت تحارب الكيان الصهيوني السلاح من أيدينا بحجة أنه لا ينبغي وجود … كم من محمد الدرة نحتاج كي نتحرك ؟

مقولة لديفيد بن غوريون اول رئيس وزراء لدولة اسرائيل :
لو كنت زعيما عربيا لن أوقع اتفاقا مع إسرائيل أبدا. إنه أمر طبيعي: لقد أخذنا بلدهم. صحيح أن الله وعدنا به ولكن في ماذا يمكن أن يهمهم ذلك؟ ربنا ليس ربهم. كانت هناك معاداة للسامية، والنازيون، وهتلر، وأوشفيتز، ولكن في ماذا يمكن أن يعنيهم ذلك؟ هم لا يرون إلا شيئا واحدا فقط: هو أننا جئنا وأخذنا بلدهم. فلماذا يقبلون هذا الأمر؟ لامعني لإسرائيل من غير القدس ,ولا معني للقدس من غير الهيكل.

اعتذر مرة اخرى عن الإطالة .. ونصيحة استمعوا الى اغنية “يحكى أن” و اغنية “بالعبري الفصيح” لفريق اسكندريلا :))  
http://www.youtube.com/watch?v=RKNpICMvtGQ
http://www.youtube.com/watch?v=Pvqyu3_sknE&feature=related  

كثير من محتوى هذا المقال مستمد من مناقشتي مع اصدقائي اندلسي و الاء ريان و هبة زكريا ونهى

صلاح و عمرو مدحت .. فلهم جزيل الشكر :)) وارجو من الله ان يهدينا جميعا للحق ويرزقنا  اتباعه :))

من زمان و أنا عارف يعني ايه احب حاجة و اؤمن بيها جدا رغم تعارض الأغلبية معايا .. وعارف اني الحمد لله بختار الصح والنضيف والمحترم و ببقى واثق ان ربنا سبحانه وتعالى راضي عن قراري واختياري ده … اتعلمنا الوفاء و اتعلمنا الصبر واتعلمنا الصمود قدام كلمة “يعني انت بس اللي صح وكووووووووووووووول الناس دي غلط” .. وقفنا ف وش اللي قالوا “كفاية كده” و “مش انتوا بس اللي فاهمين كل حاجة” و عبيد الاشتقرار .. سنظل أوفياء .. قلناها علشان مؤمنين بيها و عايشين عليها مش علشان الشهرة .. و جه الوقت نحول ده من مجرد تشجيع و رياضة الى مشاركة فعالة تخدم المجتمع والبلد و ان شاء الله الأمة كلها .. زملكاوي مع الثورة و ادعم ابو الفتوح رئيسا لمصر :)) 

عن إلاخوان المسلمين .. جماعة أحببناها واردنا لها إن تكون الأمثل .. وان اختلفنا في بعض الأحيان أو في كثير منها أو حتى في كل الأحيان -وهذا غير منطقي” .. وان اختلفنا ف الطريقة والأسلوب الذي نعبر به عن اعتراضنا على الأفعال رغم ثقتنا ف النوايا وصدقها .. اختلفنا مرارا في طريقة النقد وأسلوبه وكيفية تقديمه وظل يجمعنا الاتفاق حول إخلاص النية لوجه الله تعالى ولخدمة الوطن .. كان طريق غير ممهد على الإطلاق يصطدم فيه عدم قبول النقد بالإصرار على إيصال الرأي .. يصطدم فيه حماس الشباب الذي زاد عليه حماس الثورة برتابة وبطيء الكيانات الكبيرة أيا كان مسماها .. اتفقنا واختلفنا كثيرا حتى أتت لحظة الصدمة الكبرى … 

لن أتحدث عن المهندس خيرت الشاطر نفسه فهو من هو .. ولن أتحدث عن مسوغات القرار فقد اتخذ القرار بالفعل ..لن اتحدث عن الدكتور ابو الفتوح الذي ظلم من اخوانه كما ظلم سيدنا يوسف من اخوانه .. وتم تشويهه لتجد اللمامة من شباب تلك الجماعة او المحسوبين عليها يسبه و يصفه ب”المفصول” والناقض لعهده مع الله .. لن اتحدث عن مقال الدكتور محمود غزلان في مايو 2011 بعنوان “لماذا لن نرشح احدا منا ف الانتخابات القادمة “ 

http://www.ikhwanonline.com/new/Article.aspx?ArtID=84747&SecID=390

لن اتحدث عن تصريح فضيلة المرشد العام للاخوان المسلمين د. محمد بديع الذي قال فيه

“ لن نرشح أحداً لـ«الرئاسة» ومن يخالف فلينتظر قراراً بالفصل من الجماعة” 

في يونيو 2011 http://www.almasryalyoum.com/node/466167

فقط ساتحدث عن رد فعل رأيته قبل لحظات من إعلان القرار .. 

ردا على بوست مفاده أن مهما كان قرار مكتب الارشاد الناس مش هيعجبها وهيخونوا إلاخوان وينتقدوهم .. وردا على نغمة كل من ضد قرار الجماعة هو ضد المشروع الإسلامي ويريد الانقلاب على الديموقراطية ويريد إن يمارس ديكتاتورية الأقلية : 

1- لو عايز تدعم حد يتفق معاك فكريا و عقائديا وتثق فيه .. عندك ابو الفتوح 

2- لو عايز تدعم واحد يبقى رأس حربة في حربك مع المجلس العسكري .. عندك ابو الفتوح وأبو إسماعيل 

3- عايز تدعم واحد شبه ضامن نجاحه علشان ماتفتتش أصوات الصف الثوري أكثر ماهو متفتت .. عندك ابو إسماعيل 

4- عايز تدعم واحد يتفق مع المشروع الإسلامي وغير محسوب على أي تيار إسلامي “زي تصريح المرشد العام قبل كده” .. عندك عندك حمدين صباحي محترم وممكن ينضم ليه ابو الفتوح وآخرين 

5- شايف الموضوع مقفول بالضبة والمفتاح ومش عارف تدعم مين .. أسمع كلام الشيخ الدكتور يوسف القرضاوي اللي قال “إلاخوان هيظلموا نفسهم ويظلموا محبيهم وقواعدهم لو رشحوا واحد منهم أو دعموا حد من خارج الثلاثة مرشحين اللي موجودين ” والكلام ده كان من أكثر من شهر .. أدي قرارك لقواعدك انهم ينتخبوا اللي هما شايفينه صح .. وأنت المفروض مربيهم كويس وواثق ف اختيارهم 

طبعا الكلام ده لو عايز تحافظ على كلمتك اللي وعدت الشعب بيها و شرحتها بأسباب كان منها الدواعي الشرعية لعدم ترشيح أحد افراد الجماعة .. (راجع مقال دكتور غزلان اعلاه) او مقالات اخرى كثيرة 

 6- أما لو عايز تدمر صورة إلاخوان عند الناس وتدي الإعلام الوسخ أكبر فرصة ف حياته يوري الناس قد ايه إلاخوان دول فصيل كذاب وبتاع مصلحته وكل همه الاستئثار بالسلطة دون النظر إلي أي معايير أخرى .. لو عايز تفرق الاصوات بين الإسلاميين أكثر .. و عايز كمية الناس اللي هتسيب الجماعة لاحساسهم بخيانة الجماعة ليهم .. و تزود المسئوليات اللي عليك أكثر ما هي أصلا فوق الاحتمال .. وتحط نفسك في موقف “أنا جدع” اللي نهايته هي الفشل في كل ما تصدرت له من مسئوليات .. وعلى رأي المثل صاحب بالين كذاب الذي يتفق مع حديث المصطفى (ص) “ما جعل الله لرجل من قلبين في جوفه” .. وتضرب بنصائح الدكتور محمد البلتاجي ودكتورة هبة رؤوف عزت وأمثالهم عرض الحائط وتقول أكيد هما مش شايفين الصورة كاملة وقرارهم نابع من رؤية شخصية من غير ما يشوفوا المشهد كامل .. وتكره ناس اللي على الحياد فيك وتشكك اللي بيحبوك فيك وتدي فرصة للي بيكرهوك انهم يكرهوا الناس فيك وصراحة مش هتبقى عندك حاجة ترد بيها ..

وقبل كل ده تقول للمجلس العسكري أنا تحت أمرك يا باشا .. عزلتني عن كل القوى الثورية التانية وأنا وافقت .. رسمت مخططك ببراعة وأنا ساعدتك بموقع فاشل وجريدة أوسخ من الأهرام .. خونت اللي اختلفوا معايا ومعاك ف كان الطبيعي وضعي أنا وأنت في بوتقة واحدة …ونجحت نجاح باهر ف اللي أنت خططله .. وبعد كده حاولت تدمر صورتي عند الشارع اللي انتخبني واللي في نفس الوقت بيعشقك ومستعد يشوف مراته بتغتصب وعياله بيتقتلوا ولا إنه يزعل العسكري منه .. خليت البرلمان بلا صلاحيات آخره يفرحنا بكلمة وبعديها يكرهنا ف اليوم اللي عملنا فيه ثورة بكلمة تانية .. وبعد كده حطيت نفسك في صدام معايا قدام الشارع وأنت معاك أقوى سلاح في مصر من أيام عبد الناصر..معاك الإعلام .. ومعاك شوية انجاس محسوبين عالليبرالية أو عالثورة بيمجدوا ف المجلس العسكري ضد إلاسلاميين بعد ما كانوا بيهتفوا ضد العسكر .. هددت برجوع سيناريو 54 وبتبرروا للشعب إن أنا عايز استفرد بالسلطة والناس ابتدت تصدق .. ابتدوا يصدقوا وأنا واعدهم أني مش هرشح رئيس واني كنت داخل مجلس الشعب مشاركة لا مغالبة .. ف أنا صعب عليا الموقف الصعب اللي أنت فيه يا مجلس يا عسكري وحسيتك الجانب الأضعف ف المعركة وأنت الجانب الأقوى .. ف قررت أساعدك واديك هدية على طبق من ذهب تعمل فيا اللي أنت عايزه وزيادة .. لو عايز تعمل كل ده وأكثر منه مئة مرة ولا يسع المجال لذكره ولا العقل قادر على تخيله .. لو عايز تكتب بأيدك شهادة وفاة الجماعة ككل وقبلها شهادة وفاة الثورة وقتل الأمل في الخلاص من حكم العسكر .. يبقى رشح خيرت الشاطر !!!

لمن يريد ان يعرف من هو د.عبد المنعم ابو الفتوح ده الكتاب “شاهد على الحركة الإسلامية ” موجود ف الموقع ده : http://www.alhoukoul.com/article/2411 

ملحوظة اخيرة : كتبت هذه السطور وأنا في قمة الإحباط .. ثم تذكرت كلمات الشيخ امام فحاولت ان اخرج من إحباطي .. ولا زلت احاول .. يا ولدي … لا تبكي .. فأحزان الصغر .. تمضي كالحلم مع الفجر .. وقريبا تكبر يا ولدي .. وتريد الدمع فلا يجري .. يا ولدي .. يا ولدي  

طبعا طالما جرنال الشوم و الندالة ابتداها كده يبقى مش هستغرب لما الاقي بعد يوم الجمعة مكتوب : 
- مليونية الميدان مع البرلمان تعود بالثورة المصرية الى الشارع 
- الملايين تدفقوا الى ميدان التحرير مؤكدين على تمسكهم بالسير ف عملية تسليم السلطة ورفض إي مساس بالبرلمان المنتخب 
- الاعداد تقدر ب 7 مليون متظاهر في جميع ميادين مصر 
- الميدان يرفع مطلب : لا تغلوا يد البرلمان المنتخب 
- نجاح ملوينية الميدان مع البرلمان رغم سعي البعض لافشالها والشعب يؤكد إن ولاؤه لبرلمانه المنتخب 
- الملايين تساند البرلمان ف ميدان التحرير ولا عزاء للمتربصين 
- الشعب يختار : النخبة أم البرلمان … 
- الشعب يتمسك بلجنة وضع الدستور التي ارتضاها برلمانه المنتخب ويهتف “الشعب والنائب أيد واحدة”
-” موتوا بغيظكم “

My Dear Amazing Team Members .. the Data base team .. i thought of sharing this here better than our group cause i wanted everyone to know about this … since we are few days away from the end of our lovely time together as a team .. i am more than delighted to tell you all it has been both an Honor and a Pleasure to work with you … Every one of you is special in his own way … and weather you like or not your presence in the team was very effective and you did leave your mark inside me and inside every one else in the team :)) 
words would never be enough to thank every one of you personally so i ask you to accept my deep thanks and my deep apologies if i had ever made any one of you a little upset .. Thanks and Sorry :)) 

before i end i just want to emphasize on thanking Demellawi , Shaimaa , Amr Medhatand Salma Eshra a lot.. what you have done for this team and this place and even for me personally is immeasurable and you can never be thanked enough for it .. GOD Bless you :) 

Mariam, Elkhayat , and Ibrahim Salah .. you are typically the unsung heroes .. THANK YOU :)) 

in the end i cannot but thank our STAFF members for putting their trust in me and taking the risk gambling with someone who is totally unworthy..for All the great moments we passed together .. the good ones and the better .. for every time we clashed or disagreed to the limit that we hated each other :D .. for the best 6 moths i’ve had in my life .. Maryam , Wael and Abdul Aziz THANK YOU and hope i haven’t been as disappointing as you’d expected me to be :)) 

لكل من تم ذكره في هذا الموقف واخرين لا يتسع المجال لذكرهم .. جزاكم الله كل الخير وبارك الله فيكم ولكم وعليكم ورزقكم الاخلاص في القول والعمل وصدق النية والاجر على الطاعات والعفو عن السقطات وجمعنا الله واياكم ف المسجد الاقصى عاجلا غير اجل ان شاء الله :)) 

You Are The Best :))